ପ୍ରିୟା .....

ମୁଖରୁ କହେନା ହାତରେ ଧରେନା
ମୋ ପ୍ରିୟା ର ଏ କି ଠାଣି
ଭିଜା ଭିଜା ଆଖି ଲତପତ ଓଠ
ସତ ସ୍ବପ୍ନ ଦିଏ ବୁଣି  ||

ବନ ହରିଣୀ ଟେ ମନ ହରିଣୀ ସେ
ଦିଏ ସଦା ପ୍ରେମାଞ୍ଜଳି
ପ୍ରେମ ର ମଇନା ମନର ଆଇନା
ଦିଏ ପ୍ରିୟା ଆଜ ତୋଳି   ||

ହାତରେ ଧରିଲେ ହାତ କୁ ନଆସେ
ଏକି ତାର ଅଭିମାନ
ଅମା ଅନ୍ଧାରେ ଜହ୍ନ ତୁମେ ଗୋ
ନକର ଆଉ ବାରଣ ||

ମୁଖର କାନ୍ତି ମନର ଦୀପ୍ତି
ଆଉ କେତେ ଯେ ଶୃଙ୍ଗାର
ସୂର୍ଯ୍ୟ ଆଭାର ଆଉ ନାହିଁ ଇତି
ସେ ଫୂଲ ମୁ ଏକ ଭ୍ରମର   ||

ଶତ ଚପଳା ର ବେଗ ତା ଭିତରେ
ଚଞ୍ଚଳା ତା'ର ମନ
ମୋ ମନ ଆକାଶେ ତାକୁ ସାଉଁଟିବି
ବୁକୁରେ ହୋଇବ ଲୀନ  ||

ନୁପୁର ଶବ୍ଦ ରେ ଚୁଡ଼ିର ଝଙ୍କାରେ
ମୋ ପ୍ରିୟାର ହସ ଶୁଭେ
ପ୍ରିୟା ମୋ ମାନସୀ ମନର ରୂପସୀ
ମୋ ପ୍ରେମ ଅର୍ଘ୍ୟ ଲଭେ  ||

                                   ଦେବୀ ପ୍ରସାଦ ମିଶ୍ର